الطريقه : نحضر وعاء زجاجي صغير ونضع فيه الخميره والسكر وربع كوب ماء دافئ وليس ساخن حتي لا تفسد الخميره ونتركها 10 دقائق دون تقليب سنلاحظ فوران الخميره وهذا يدل علي مدي فاعليتها
ونحضر وعاء اخر كبير ونضع فيه الدقيق ثم الملح ونقلب كويس حتي يتخلل الملح الدقيق كله ثم نضع ملعقه الزيت وكوب الماء ونتركها دقائق دون عجن
نبدأ بالعجن حتي تخلع العجينه من الطبق الزجاجي ولو العجينه لسه بتلزق في الايد نضع رشه دقيق ونعجن ولو ناشفه نضع حبه ماء المهم العجينه تبقي لينه لا ناشفه ولا طريقه
نعجن ونخدم العجينه كويسه لمده 5 دقائق
ثم نتركها ساعه علي الاقل تخمر بعد تغطيتها بالنايلون الشفاف الخاص لحفظ الطعام
ودي صورتها قبل ما تخمر
ودي بعد مرور نصف ساعه تقريبا
ودا شكها النهائي بعد مرور ساعه
بعد الوصول لهذه المرحله نضغط باصابعنا علي العجيبنه لنفرج منها ثاني اكسيد الكربون ثم نخرجها من الطبق ونقطعها 3 قطع القطعه الواحده تناسب صينيه مقاس 28 او 30 والباقي لو مش هيستخدم نشيلو في الفريزر كل قطعه في كيس وقبل ما نيجي نستخدمها نطلعها قبلها بشويه تسيح وبعدين نفردها في الصينيه بتناسق وتكون رفيعه لانها تعلو في الفرن ونعمل لها حواف من الجنب ونقوم بغرس العجينه بالشوكه حتي يدخل بداخلها الصوص
نيجي بقي لصلصة البيتزا ( الكونكاسيه )
المقادير : 2 بصل متوسط الحجم 2 فص ثوم 2 طماطم 2 ملعقه زيت زيتون شويه ماء ملعقه صغيره سكر زعتر - ملح - فلفل اسود
الطريقه :
نضغ كل المكونات في صينيه فوق بعض وتدخل الفرن من 10 الي ربع ساعه تقريبا حتي تدبل ثم نطلعها ونضربها في الخلاط ولكن لا توضع علي العجينه وهي ساخنه ناخد منها ملعقه او اتنين تقريبا ونفردها علي العجينه ولا تدهن الحواف بتاعتها
والباقي نشيلو في الفريزر لمره تانيه وثالثه وعاشره ميجرلهاش اي حاجه ثم نضع الحشو اللي احنا عايزينو عليها بلوبيف او لحمه مفرومه او تونه وفلفل الوان وزيتون اخضر وماشروم والجبنه الموتزاريلا واخيرا ندهن الحواف بفرشاه زيت زيتون عشان ما تتحرقش في الفرن ونضع شويه زيت علي وش البيتزا بعد وضع الموتزاريلا ثم ندخلها الفرن 20 دقيقه تقريبا ولو فرن كهربائي بعد العشرون دقيقه نولع الشوايه عليها 5 دقايق ونراقبها عشان تحمر من فوق
