ghada2 | التاريخ: الأحد, 2013-02-24, 11:47 PM | رسالة # 1 |
عضو
مجموعة: أصدقاء
رسائل: 22
| تورته الجلي بالموز من اسهل التورت واخفها
انا بحب اعملها بالبسكوت اللي بيحبها بالكيكه الاسفنجينه يعملها هتبقي حلوه اوي برده ونفس الخطواط بس اللي بالبسكويت اسهل واسرع
المقادير :
3 علب جيلي بالفروله ونص كيس اخر للذواق كيس ونص كريم شانطيه لبن لخفق الكريم شانطيه 4 بسكويت ماري اللي جوه اللي غلافه كارتون لو مفيش يبقي العادي مفيش مشكله موز
الطريقه :
اولا نعمل الجلي اكيد كلنا عارفين بيتعمل ازاي بس هنا هنقلل كميه المايه عشان يبقي صلب شويه الثلاث علب عليهم 4 كوبايات ونص ماء بس ممكن ندوب ال 4 علب في كوبايه ونص مايه مغليه علي النار ثم بعد ذلك نضيف ال 3 كوبايات مايه الباقيين ساقعين عشان يبرد بسرعه ومنستناش كتير
وندوب النص كيس جيلي في كوب ماء مغلي ونسيبو علي جنب عشان هنحتاجه في الزواق
وبعدين نجيب صينيه كبيره مربعه مدوره اي حاجه ونضع فيها الجلي ثم نضع انصاف الموز علي وشها في الجلي بالشكل اللي احنا عايزينه بس المهم مايكونش الجلي سخن عشان الموز مش يستوي ويتغير لونه بعدين ندخله الفريزر حتي يجمد بسرعه وميكونش سايل
وفي الوقت ده نجهز الكريم شانطيه
نحضر الصينيه من الفريزر ونبدأ بالذواق
اول حاجه بندهقن طبقه بسيطه من الكريم شانطيه علي الجلي عشان يلزق في البسكوت ونبتدي برص طبقه بسكوت علي الجلي والفراغات نكسر البسكوت انصاص او اربع ونضعها فيها ثم نسقيه بالجلي اللي عاملينو علي جنب بسيط بالملعقه علي بسكوته بسكوته عشان ميدوبش اوي البسكويت ونحس بطعمه يعني مجرد ان كل بسكوته تتغطا بطبقه بسيطه من صوص الجلي
ثم نضع طبقه كريم شانطيه تانيه بس سميكه شويه واخيرا نضع طبقه بسكويت ونسقيها بنفس الطريقه
ثم ندخلها الفريزر شويه عشان طبعا هتكون ساحت مننا شويه واحنا بنذوقها
وبعدين نطلعها ونقلبها علي صينيه لو متقلبتش وكانت لازقه شويه نمشيها علي النار من بعيد من فوق تمشيه كدا بسيطه بس عشان ميسحش الجلي وبعدين نقلبها
ودا شكلها بعد ما تتقلب وبالهنا والشفا
المصدر: مطبخ سحر http://www.saharbashir.blogspot.com/search....D%D8%B1
|
|
| |